इगतपुरीनामा न्यूज, दि. २५
मुंबई आग्रा महामार्गावरील वाडीवऱ्हे फाट्यावर आज मध्यरात्री पावणेदोन वाजता लक्झरी बस आणि अल्टो ह्या दोन वाहनात जोरदार धडक झाली. यावेळी झालेल्या अपघातात अल्टो वाहनातील पतीपत्नी गंभीर जखमी झाले आहेत. घटनेचे वृत्त समजताच जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने दाखल होऊन गंभीर जखमींना नाशिकच्या खासगी रुग्णालयात दाखल केले आहे.
मुंबईहुन नासिककडे जाणारी लक्झरी क्र. MH 09 CV 3645 ही लक्झरी बस आणि नासिककडुन वाडीवऱ्हे गावाकडे वळण घेत असलेली अल्टो कार क्र. MH 02 PA 5279 ह्यांमध्ये जोरदार धडक झाल्याने अपघात झाला. या अपघातात अल्टो वाहनातील यशवंत एकनाथ लहांगे वय 45, योगिता यशवंत लहांगे वय 30 दोघे रा. लहांगेवाडी ता. इगतपुरी हे पतीपत्नी गंभीर जखमी झाले. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेच्या सेवेमुळे दोघांना योग्य वेळेत आरोग्य सेवा मिळाली.