इगतपुरीनामा न्यूज, दि. १६
जिल्हा परिषद प्राथमिक सेमी इंग्रजी शाळा टिटोली येथे शैक्षणिक वर्षाचा पहिला दिवस “शिक्षणोत्सव” मोठ्या उत्साहात साजरा करण्यात आला. यावेळी प्रभातफेरी, शाळा पूर्व तयारी मेळावा क्र. 2, पाठ्यपुस्तक वाटप, गणवेश वाटप, गोड जेवण असे उपक्रम घेण्यात आले. याप्रसंगी इगतपुरीच्या गटविकास अधिकारी डॉ. लता गायकवाड, सरपंच काजल गभाले, शाळा व्यवस्थापन समिती अध्यक्ष तथा उपसरपंच अनिल भोपे, सदस्य करवंदे, मोनाली राऊत, रूख्मिणी भटाटे आणि पालक उपस्थित होते.
शाळेत राबविल्या जाणाऱ्या TEP ( Titoli Education पॅटर्न ) पॅटर्नमुळे इगतपुरी शहर, गिरणारे, बोरटेंभे, तळोघ, पिंप्रीसदो, नांदगांव सदो आदी गावासह अन्य इंग्रजी माध्यमाच्या शाळेतुनही १ ली ते ७ वी साठी नवीन प्रवेश झाले आहेत. या उपक्रमाचे उपस्थित मान्यवरांनी कौतुक केले. सर्वांना Funlish हे शाळेने निर्मित केलेले पुस्तक सप्रेम भेट देण्यात आले. गटविकास अधिकारी डॉ. लता गायकवाड यांनी मुख्याध्यापिका मंगला शार्दूल व शाळेच्या सर्व शिक्षक वृदांचे कौतुक करून सर्वांना शैक्षणिक वर्षाच्या शुभेच्छा दिल्या.
