इगतपुरीनामा न्यूज, दि. ११
इगतपुरी येथील कर्मवीर पुंजाबाबा गोवर्धने कला, वाणिज्य व विज्ञान महाविद्यालयातील वाणिज्य विषयाचे प्रा. गोपाळ लायरे यांची करिअर कट्टाच्या इगतपुरी तालुका समन्वयकपदी निवड करण्यात आली आहे. महाराष्ट्र राज्य उच्च व तंत्रशिक्षण विभाग व महाराष्ट्र तंत्रज्ञान सहाय्यता केंद्राच्या वतीने करण्यात ही निवड झाली असून त्यांनी महाविद्यालयात प्लेसमेंट सेल व स्पर्धा परीक्षा मार्गदर्शन केंद्राच्या माध्यमातून अनेक उपक्रम यशस्वीपणे राबविले आहेत. महाविद्यालयातर्फे प्रा. गोपाळ लायरे यांचा प्राचार्य डॉ.पी.आर. भाबड यांच्या हस्ते सत्कार करण्यात आला. याप्रसंगी उपप्राचार्य प्रा. देविदास गिरी, अंतर्गत गुणवत्ता सेलचे समन्वयक प्रा. एस. एस. परदेशी, प्रा. बी. सी. पाटील, प्रा. एस. के. शेळके उपस्थित होते. या निवडीबद्दल मराठा विद्या प्रसारक समाजाचे संचालक भाऊसाहेब खातळे यांनी अभिनंदन केले आहे.