मोटरसायकल अपघातात त्र्यंबक तालुक्यातील दोघांसह भरविर येथील बालक गंभीर जखमी : जगद्गुरू नरेंद्राचार्य रुग्णवाहिकेकडून अपघातग्रस्तांना मदत

इगतपुरीनामा न्यूज, दि. ११

मुंबईकडून नाशिकच्या दिशेने जाणाऱ्या मोटारसायकलला चारचाकी वाहनाने पाठीमागून धडक दिल्याने आज अपघात झाला. आज सायंकाळी 6 वाजेच्या दरम्यान हा अपघात पाडळी देशमुख येथे महामार्गावर झाला. चारचाकी वाहनाचा क्रमांक MH 15 GA 5484 असून मोटारसायकलचा क्रमांक MH 15 AS 9666 असा आहे. ह्या अपघातात २ युवकांसह 1 बालक गंभीर जखमी झाले आहे. विलास दिनकर महाले वय 25, गोरख कचरू बोडके वय 40 दोघे रा. वाढोली ता. त्र्यंबकेश्वर, अरुण गोरख झनकर वय ५ रा. भरविर ता. इगतपुरी अशी जखमींची नावे आहेत. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या शासकीय रुग्णालयात दाखल केले.