कवितांचा मळा : “तिरंगा”

रचना : जी. पी. खैरनार, नाशिक
९४२१५११७३७ / ७०८३२३४०२१

राष्ट्रध्वजाचे गाऊ गुणगान !
     नभी डोलती पताका छान !!
          तिरंगा ध्वज आमची शान !
               मनी पेटवी देशाभिमान !!

साऱ्या धर्माचे एकच स्थान !
     भारत देश आमुचा महान !!
          तिरंगा झेंडा असे बहुमान !
               सारे भारतीय करी सन्मान !!

तिरंगा आमचा स्वाभिमान !
     उरी जागवी देश अभिमान !!
          साऱ्या धर्माचे आदर स्थान !
               प्रिय देश असे हिंदुस्थान !!

तिरंग्याचा असे अभिमान !
     लोक सेवेचे मिळे वरदान !!
          भारत माता आमची महान !
               आम्ही मातेचे सारे संतान !!

भारतीय सैनिक घेती आन !
     तिरंगा आमुचा स्फूर्तीस्थान !!
          भारत माता आमुचा प्राण !
               तिला रक्षण्या देऊ बलिदान !!

सैनिक जागवी एकच रान !
     देश रक्षण्या करी श्रमदान !!
          शत्रू देशा गुप्त देऊन कान !
               निष्प्रभ करी कटकारस्थान !!

भारतीय शूर वीरांची जान !
     तिरंगा त्यांचे श्रद्धा स्थान !!
          नभात डोलती तिरंगी पान !
               सूर्य चंद्र सुद्धा दिसे लहान !!

शेता घेती बहू जाती वाण !
     शेतकऱ्यांचा करु सन्मान !!
          मुखी सारे गाऊ एकच गान !
               जय जवान, जय किसान !!

Similar Posts

Leave a Reply

error: Content is protected !!