इगतपुरीनामा न्यूज – इगतपुरी येथील १६ वर्षीय युवकाचा तलावात बुडून दुर्दैवी मृत्यू झाल्याची घटना घडली आहे. कार्तिक परदेशी असे मृत युवकाचे नाव असून तो इगतपुरी बाराबंगला भागातील रहिवासी आहे. शुक्रवारी १३ मार्चला तो मित्रांसोबत फिरायला नगरपरिषद तलावावर गेल्यावर त्याला पाण्यात पोहण्याचा मोह आवरता आला नाही. पाण्यात उडी मारल्यावर तलावाच्या खोलीचा अंदाज न आल्याने तो बुडाला. त्याचा दोन दिवसापासून शोध सुरु होता. आज रात्रीच्या सुमारास पाणबुड्यांच्या मदतीने शोध लावण्यात आला. मात्र त्याचा बुडून मृत्यू झाल्याचे स्पष्ट झाले. युवकाचा मृतदेह उत्तरीय तपासणीसाठी इगतपुरी ग्रामीण रुग्णालयात पाठवण्यात आला आहे. इगतपुरी पोलीस पुढील तपास करत आहेत.
