इगतपुरीनामा न्यूज – इगतपुरी तालुका खरेदी विक्री संघाच्या स्वीकृत संचालकपदी इगतपुरी तालुक्यातील सुप्रसिद्ध पीके ग्रुपचे संचालक प्रशांत कडू आणि खंडेराव धांडे यांची निवड झाली आहे. तालुक्यातील सर्वपक्षीय पदाधिकाऱ्यांनी एकत्र येत सर्वसंमतीने हा निर्णय घेतला. या निवडीमुळे संघाच्या कामकाजाला अधिक बळ मिळणार असून शेतकरी, व्यापारी व सभासदांच्या हितासाठी अधिक प्रभावी काम होईल, अशी अपेक्षा व्यक्त होत आहे. निवडीप्रसंगी इगतपुरी तालुक्यातील विविध राजकीय पक्षांचे पदाधिकारी, समाजसेवक व अनेक मान्यवर मोठ्या संख्येने उपस्थित होते. नवनियुक्त संचालक प्रशांत कडू, खंडेराव यांनी सर्वांचे आभार मानले. खरेदी विक्री संघाच्या माध्यमातून शेतकरी व सभासदांच्या हितासाठी प्रामाणिकपणे त्यांनी काम करण्याचा शब्द दिला. यावेळी इगतपुरी नगरपरिषदेच्या स्विकृत नगरसेवकपदी किरण फलटणकर यांची निवड झाल्याबद्दल त्यांचाही सत्कार करण्यात आला.
