इगतपुरीनामा न्यूज, दि. १९
इगतपुरी तालुक्यातील कुऱ्हेगाव येथील वार्ड क्रमांक १ च्या पोटनिवडणुकीत संतोष अर्जुन धोंगडे हे विजयी झाले आहेत. दिवंगत सदस्य बाळु सखाराम धोंगडे निधनामुळे रिक्त झालेल्या जागेवर झालेली पोटनिवडणूक तिरंगी झाली. सरपंच भाऊसाहेब धोंगडे, माजी सरपंच अशोक दगडू धोगडे या दोघांच्या नेतृत्वाखाली कु. संतोष अर्जुन धोंगडे यांनी ही निवडणूक जिंकली. संतोष अर्जुन धोंगडे यांना 193, गोविंद किसन धोंगडे यांना 177 तर गोरख निवृत्ती शिंदे यांना 126 मते मिळाली. विजयाची घोषणा होताच समर्थकांनी जल्लोष केला. पोलीस पाटील ज्ञानेश्वर धोगडे, लोकनियुक्त सरपंच भाऊसाहेब धोंगडे, माजी सरपंच अशोक दगडू धोंगडे, माजी सरपंच दिलीप दत्तु गव्हाणे, खंडुशेठ झनकर यांनी शाल व श्रीफळ देऊन विजयी उमेदवाराचे अभिनंदन करून भावी वाटचालीला शुभेच्छा दिल्या.