इगतपुरीनामा न्यूज, दि. ३१
६ जानेवारी पत्रकार दिन तथा आद्य पत्रकार बाळशास्त्री जांभेकर जयंतीनिमित्त त्र्यंबकेश्वर तालुक्यातील श्री गजानन महाराज उच्च माध्यमिक विदयालय आव्हाटे यांच्या वतीने पत्रकार दिनानिमित्त विविध कार्यक्रमाचे आयोजन करण्यात आले आहे. या वेळी प्रेस संपादक व पत्रकार सेवा संघाचे महाराष्ट्र प्रदेश सरचिटणीस, अखिल भारतीय मराठी साहित्य परिषद नाशिक जिल्हाध्यक्ष तथा जेष्ठ पत्रकार व साहित्यिक नवनाथ अर्जुन पा. गायकर यांचे “पत्रकार आणि पत्रकारिता” या विषयावर तडाखेबंद व्याख्यान होणार आहे. श्री गजानन उच्च माध्यमिक विद्यालयाचे प्राचार्य एस. बी. दोंदे यांनी याबाबत माहिती दिली.
यावेळी प्रेस संपादक व पत्रकार सेवा संघ महाराष्ट्र राज्य, अखिल भारतीय मराठी साहित्य परिषद नाशिक जिल्हा व श्री गजानन उच्च माध्यमिक विद्यालय आव्हाटे यांच्या संयुक्त विद्यमाने त्र्यंबकेश्वर तालुक्यातील युवा पत्रकार पांडुरंग दोंदे यांना “श्रमिक पत्रकार गौरव” पुरस्काराने सन्मानित करण्यात येणार आहे. हा पुरस्कार जेष्ठ पत्रकार नवनाथ गायकर यांचे हस्ते दोंदे यांना प्रदान करण्यात येणार आहे. विद्यालयातील विद्यार्थ्यांना अवातंर वाचनासाठी व चौफेर ज्ञानार्जनासाठी नवनाथ गायकर यांच्याकडुन विविध साहित्यिक पुस्तके यावेळी भेट देण्यात येणार आहे.