इगतपुरीनामा न्यूज – शिक्षण असो किंवा नसो बेरोजगार गोरगरीब युवक युवतींना हक्काचा रोजगार मिळावा. आपल्या कुटुंबाला आधार म्हणून स्वतःच्या पायावर उभे राहावे यासाठी महात्मा फुले समता परिषदेचे इगतपुरी तालुकाध्यक्ष शिवा काळे यांनी रोजगार मेळाव्याचे आयोजन केले आहे. घोटी येथील रामरावनगर प्राथमिक शाळेत बुधवारी १० जूनला हा रोजगार मेळावा सकाळी १० ते दुपारी १२ वाजेपर्यंत खुला असणार आहे. युवक युवतींनी या संधीचा लाभ घ्यावा. घोटी परिसरातील जास्तीत जास्त उमेदवारांनी उपस्थित राहून आपल्या करिअरला योग्य दिशा द्यावी, असे आवाहन संयोजकांतर्फे करण्यात आले आहे. या मेळाव्याच्या माध्यमातून स्थानिक बेरोजगारांची निवड करण्यात येणार आहे. मेळाव्यासाठी येताना आपला अद्ययावत बायोडाटा (Resume), शैक्षणिक प्रमाणपत्रांच्या छायांकित प्रती आणि ओळखपत्रासह प्रत्यक्ष उपस्थित राहणे अनिवार्य आहे.