इगतपुरीनामा न्यूज – आज इगतपुरी तालुक्यातील वैतरणा आणि दुगारवाडी धरणात एकूण ४ युवक बुडाले आहेत. वैतरणा धरणा लगत असलेल्या धबधब्याखाली चार मित्र पाण्यात उतरले होते. मात्र पाण्याच्या प्रवाहाचा अंदाज न आल्याने १ जण वाहून जाऊ लागला. त्याला वाचवण्याचा प्रयत्नात दुसराही वाहून गेला. ह्या घटनेत २ युवक बुडाले. स्थानिकांच्या मदतीने शोधकार्य सुरू करण्यात आले होते. रात्र झाल्याने मदत कार्य थांबविले असून उद्या सकाळी आपत्ती व्यवस्थापन टीम आणि पाणबुड्यांच्या मदतीने शोधकार्य करण्यात येणार आहे. मागील वर्षी याच ठिकाणी अशाच प्रकारे घडली एक घटना घडली होती. त्यामुळे परत एकदा सुरक्षेचा प्रश्न ऐरणीवर आला आहे. आदित्य प्रमोद वानरे वय २० रा. नांदुरा बुलढाणा, विरेंद्र नंदन पाटील रा. पाचोरा जळगाव अशी बुडालेल्या २ तरुणांची नावे असल्याचे सांगण्यात आले. दुसऱ्या एका घटनेत वैतरणा धरणापाठोपाठ दुगारवाडी वावी हर्ष धबधब्यावर २ जण बुडाल्याची घटना घडली. या घटनेत सुनील गोसावी वय २१ रा. गंगापूर नाशिक, मंगेश दिलीप चव्हाण रा. चांदशी नाशिक अशी बुडालेल्या तरुणांची नावे आहेत. व्हिडीओ बातमी पहा https://youtube.com/shorts/h1oauHmE2Sk?si=vrTxB1mzQr6l_WhB
