इगतपुरीनामा न्यूज – घोटी त्र्यंबकेश्वर रोडवर कोरपगाव जवळ कार आणि मोटरसायकलची समोरासमोर जोरदार धडक झाल्याने भीषण अपघात झाला. ह्या अपघातात २ जणांचा जागीच मृत्यू तर एक जण गंभीर जखमी झाला आहे. फुलाबाई सखाराम पवार रा. सामुंडी ह्या जखमी महिलेला नाशिकच्या जिल्हा रुग्णालयात उपचारासाठी दाखल करण्यात आले आहे. सखाराम वसंत पवार रा. सामुंडे, किसन चैतू मुकणे रा. पहिने कातकरी वस्ती अशी ठार झालेल्यांची नावे आहेत. उत्तरीय तपासणीसाठी घोटी येथील ग्रामीण रुग्णालयात पाठवण्यात आले आहे. ग्रामीण रुग्णालयाबाहेर नातेवाईकांची गर्दी झाली आहे.
