इगतपुरीनामा न्यूज – इगतपुरी तालुका साहित्य मंडळातर्फे दरवर्षी दिले जाणारे मानाचे पुरस्कार जाहीर करण्यात आले आहेत. यावर्षीचा सर्वतीर्थ पुरस्कार अष्टपैलू साहित्यिक प्रा. डॉ. गिरीश पाटील आणि जीवनगौरव पुरस्कार ज्येष्ठ साहित्यिक तुकाराम ढिकले यांना जाहीर झाला आहे. ज्ञानदूत पुरस्कार प्रा. राजेश्वर शेळके, ज्ञानसाधना पुरस्कार रामचंद्र शिंदे, कलारत्न पुरस्कार दिनेश चव्हाण, काव्यरत्न पुरस्कार प्राचार्य प्र. द. कुलकर्णी, अक्षरदूत पुरस्कार आरती डिंगोरे, दारणा गौरव पुरस्कार रतन संचेती, सामाजिक कृतज्ञता पुरस्कार डॉ. हनुमंत बांगर, डॉ.सुनीता बांगर, साहित्य सेवा पुरस्कार सुहास टिपरे यांना त्यांच्या शैक्षणिक, साहित्यिक, सामाजिक कार्याबद्दल देण्यात येणार आहे, अशी माहिती मंडळाचे अध्यक्ष पुंजाजी मालुंजकर, ग्रंथमित्र बाळासाहेब फलटणे, ॲड. ज्ञानेश्वर गुळवे, दत्तात्रय झनकर, रवींद्र पाटील, हिरामण शिंदे यांनी दिली. पुरस्कार वितरण सोहळा येत्या रविवारी दि. २२ ला ग्रामसेवक भवन सभागृह, बाजीराव नगर, पत्रीपुलाजवळ, गंगोत्री गॅरेजमागे, तिडके कॉलनी, नाशिक येथे सकाळी १० वाजता पाहुण्यांच्या उपस्थितीत करण्यात येणार आहे. सर्व रसिकांनी आवर्जून उपस्थित रहावे असे आवाहन मंडळातर्फे करण्यात आले आहे.
