इगतपुरीनामा न्यूज – इगतपुरी बनावट कुल्फी बनविणाऱ्या कारखान्याचा इगतपुरी पोलीसांनी पर्दाफाश केला आहे. इगतपुरी पोलीसांना गुप्त बातमीदारांमार्फत गुप्त बातमी मिळाली होती की, इगतपुरी येथील चर्चहील परिसरात केमिकलयुक्त पदार्थापासुन कुल्फी बनविणे सुरु आहे. याबाबत पोलीसांनी व अन्न औषध प्रशासनाच्या अधिकाऱ्यांसह या ठिकाणी धाड टाकली. या कारवाईत पंधरा गोविंद कलर पोस्टरच्या बाटल्या, चॉकलेट प्लेवरच्या तीन बाटल्या व इसेन्स असा कुल्फी बनविण्यासाठी वापर होत असल्याचे प्रथम दर्शनी समोर आले आहे. यावेळी कारखान्यात असलेले सर्व नमुने गोळा करुन ते तपासणीसाठी प्रयोगशाळेत पाठविण्यात आले आहे. त्याचा अहवाल आल्यानंतर पुढील कारवाई करण्यात येणार आहे. बनावट मिळुन आलेल्या २५०० कुल्फ्यांची निर्जनस्थळी विल्हेवाट लावण्यात आली आहे. विनोद प्रकाश कुशवाह रा. इगतपुरी यांचेकडे कुल्फी बनविण्यासाठीचा कुठल्याही प्रकारचा परवाना व शॉप ॲक्ट परवानाही आढळुन आला नाही. त्यामुळे अन्न व औषध विभाग यांनी जिवीतास धोकादायक असे संशयित पदार्थाचे नमुने सिल करुन तपासणीसाठी पाठविले आहेत. तो पर्यंत कारखाना बंद ठेवण्याची नोटीस संशयित इसमाला देण्यास आली आहे. ही धडक कारवाई इगतपुरी पोलीस स्टेशनचे पोलीस निरीक्षक सारिका अहिरराव, पोलीस हवालदार निलेश देवराज, विजय रुद्रे, महेंद्र गवळी यांनी केली आहे. पुढील तपास इगतपुरी पोलीस स्टेशनच्या प्रभारी अधिकारी श्सारिका आहिरराव व अन्न सुरक्षा विभाग नाशिकचे अधिकारी एस. जे. मंडलीक, अमित रासकर, किशोर चांदगुडे हे करीत आहेत.
