इगतपुरीनामा न्यूज – मुंबई नाशिक महामार्गावरील घोटी येथील प्रसिद्ध ‘मातोश्री हॉस्पिटल’ आता सर्व अत्याधुनिक सोयी-सुविधांनी युक्त अशा नव्या इमारतीत रुग्णांच्या सेवेसाठी सज्ज आहे. वैद्यकीय क्षेत्रातील आपुलकी आणि रुग्णांच्या विश्वासाचे महत्त्व मातोश्री हॉस्पिटलने वाढवले आहे. डॉक्टरांनी आणि कर्मचाऱ्यांनी रुग्णांशी प्रेमाने, नम्रतेने आणि योग्य माहिती देऊन संवाद साधला पाहिजे. यामुळे रुग्णांना उपचारादरम्यान मोठा मानसिक आधार मिळतो. पैसे कमावणे, इमारती बांधणे किंवा १०० चे २००-४०० बेड करणे या गोष्टी होतच राहतात; परंतु लोकांचा विश्वास, गरीब जनतेचे आशीर्वाद आणि दुआ मिळवणे हेच सर्वात मोठे धन आहे. मातोश्री हॉस्पिटलच्या डॉक्टरांचे नम्र वर्तन, शून्यातून विश्व निर्माण करण्याची जिद्द आणि गरीब रुग्णांबद्दल असलेली आपुलकी पाहून आनंद वाटला. मातोश्री हॉस्पिटलच्या माध्यमातून भविष्यात गरजू लोकांना अधिकाधिक मदत होईल असा विश्वास नाशिकचे पालकमंत्री तथा कुंभमेळामंत्री ना. गिरीश महाजन यांनी व्यक्त केला. ना. गिरीश महाजन यांच्या हस्ते फीत कापून ही नवीन इमारत अधिकृतपणे कार्यान्वित झाल्याचे घोषित करण्यात आले. अनेक वर्षांपासून मातोश्री हॉस्पिटल हे घोटीसह इगतपुरी, त्र्यंबक, अकोले, शहापूर तालुक्यातील नागरिकांच्या विश्वासाचे केंद्र राहिले आहे. आता नाशिक, मुंबई आणि पुण्यासारख्या मोठ्या शहरांत मिळणाऱ्या सर्व आधुनिक आरोग्य सेवा स्थानिक पातळीवरच रुग्णांना उपलब्ध होणार असल्याचे हॉस्पिटलचे संचालक डॉ. जितेंद्र चोरडिया व डॉ. हेमलता चोरडिया यांनी याप्रसंगी सांगितले.
यावेळी जोग महाराज भजनी मठाचे मठाधिपती गुरुवर्य हभप माधवबाबा घुले, नाशिकचे खासदार राजाभाऊ वाजे आणि इगतपुरीचे आमदार हिरामण खोसकर यांनीही मातोश्री हॉस्पिटलच्या आजवरच्या सामाजिक आणि वैद्यकीय कार्याचा गौरव करत नवीन वास्तूसाठी शुभेच्छा दिल्या. या सोहळ्यास माजी आमदार शिवराम झोले, मविप्र संचालक संदीप गुळवे, माजी जि. प. सदस्य उदय जाधव, माजी सभापती ज्ञानेश्वर लहाने, राष्ट्रीय आदिवासी नेते लकीभाऊ जाधव, राष्ट्रवादीचे प्रदेश सरचिटणीस गोरख बोडके, शिवसेना जिल्हाप्रमुख निवृत्ती जाधव, भाजपा जिल्हाध्यक्ष सुनील बच्छाव, भाजपा नेते महेश श्रीश्रीमाळ, पांडुरंग बऱ्हे, अण्णा डोंगरे, उद्योजक प्रशांत कडू, आगरी समाज नेते सुरेश कडू, हभप सावळीरामबाबा शिंगोळे, प्राचार्य डॉ. कांचन देसर्डा, माजी सरपंच रामदास शेलार, नंदू शिंगवी, संजय चोरडिया, ईश्वर चोरडिया, बाळासाहेब वालझाडे, नगरसेवक किरण फलटणकर व परिसरातील सरपंच, उपसरपंच आणि राजकीय पदाधिकारी आदीसह राजकीय, सामाजिक व वैद्यकीय क्षेत्रातील अनेक दिग्गज उपस्थित होते. मोठ्या संख्येने उपस्थित होते. सूत्रसंचालन रामदास गव्हाणे, हरीश चव्हाण यांनी तर आभार पारस चोरडिया यांनी मानले.
