इगतपुरीनामा न्यूज – नागपूर मुंबई समृद्धी महामार्गावर इगतपुरी तालुक्यातील पिंपळगाव मोर येथील दारणा नदीच्या पुलावर भीषण अपघात झाला आहे. MH 05 BS 5164 ह्या वरणा कारचालकाचे नियंत्रण सुटल्याने गाडी बाजूच्या भिंतीला जाऊन धडकली. या अपघातात वाहनचालकाचा मृत्यू झाला असून २ महिला आणि १ पुरुष असे ३ जण गंभीर जखमी झाले आहेत. अपघाताची माहिती समजताच महामार्ग पोलीस केंद्र घोटीचे पोलीस कर्मचारो व घोटी पोलीस ठाण्याचे पोलीस हवालदार सागर सौदागर, गौरव सोनवणे हे तात्काळ घटनास्थळी दाखल झाले. जखमींना समृद्धी महामार्गाच्या रुग्णवाहिकेद्वारे धामणगाव येथील एसएमबीटी हॉस्पिटलमध्ये उपचारासाठी दाखल करण्यात आले आहे. जखमी व्यक्तींची नावे समजली नसून पोलिसांकडून पुढील तपास सुरु करण्यात आला आहे.