इगतपुरीनामा न्यूज – लोकसभा विधानसभा निवडणुकीनंतर लगेचच नाशिक जिल्ह्यासह राज्यातील ग्रामपंचायत निवडणुका घेण्यासाठी प्रशासनाने तयारी सुरु केली आहे.. त्यानुसार महाराष्ट्र शासनाने न्यायालयाच्या निर्णयानुसार आरक्षणाबाबत राजपत्रात माहिती दिली आहे. नाशिक जिल्ह्यात बिगर अनुसूचित क्षेत्रातील एकूण ग्रामपंचायती १०६, अनुसूचित जातीसाठी आरक्षित एकूण सरपंचपद ८ ( पैकी महिलांसाठी ४ ), अनुसूचित जमातीसाठी आरक्षित एकूण सरपंचपद १३ ( पैकी महिलांसाठी ८ ), ओबीसीसाठी आरक्षित एकूण सरपंचपदे २९, ( पैकी महिलांसाठी १५ ), खुला प्रवर्ग आरक्षित एकूण सरपंचपदे ५६, ( पैकी महिलांसाठी २८ ) असल्याबद्धल माहिती प्रसिद्ध झाली आहे. लवकरच याबाबतच्या तारखा निश्चित करून त्या त्या तालुक्यातील कोणत्या ग्रामपंचायत आरक्षित झाल्या याबद्दल अंतिम निर्णय घेतला जाईल. ग्रामपंचायत निवडणुकीची ग्रामीण भागात आतुरतेने वाट पाहिली जात असून ग्रामीण भागातील राजकारण ढवळून निघणार आहे. इगतपुरी तालुक्यातील रायांबे, शेवगेडांग, धार्णोली, मुरंबी, बेलगांव कुऱ्हे, उभाडे, मालुंजे, कांचनगांव, खैरगांव, खडकेद, बारशिंगवे, पिंपळगांव मोर, वाकी, पिंपळगांव भटाटा, मायदरा धानोशी, इंदोरे, धामणी,अधरवड, कावनई, आहुर्ली, म्हसुर्ली, कोरपगांव, पाडळी देशमुख, नांदुरवैद्य, देवळे, समनेरे, सोनोशी, मांजरगांव, शेणवड बुद्रुक, खंबाळे, साकुर, आंबेवाडी, त्रिंगलवाडी, वाळविहीर, सांजेगांव, वाडीवऱ्हे, कुऱ्हेगांव, नांदगांव बुद्रुक, जानोरी, पिंपळगांव घाडगा, घोटी बुद्रुक, पिंप्री सद्रोद्दीन, भावली खुर्द, तळोशी, चिंचलेखैरे, अडसरे बुद्रुक, बेलगांव तऱ्हाळे, माणिकखांब, काळुस्ते, खेड, गोंदे दुमाला, मुकणे, पिंपळगांव डुकरा, घोटी खुर्द, भरविर खुर्द, शेणीत, वाघेरे, बोर्ली, मानवेढे, कुरुंगवाडी, आवळखेड, टाकेद बुद्रुक, धामणगांव, निनावी, टाकेद खुर्द ह्या ६५ ग्रामपंचायती निवडणुकीच्या प्रतीक्षेत आहे.