२८ वर्षीय युवकाचा पाण्यात बुडून मृत्यू ; कुऱ्हेगाव परिसरात पसरली शोककळा

इगतपुरीनामा न्यूज, दि. १ – इगतपुरी तालुक्यातील कुऱ्हेगाव येथील २८ वर्षीय युवक पाण्यात बुडाल्याने मृत्युमुखी पडला आहे. कपडे, गोधड्या आणि बैल धुण्यासाठी गावाजवळ असणाऱ्या पाचीपूल भागातील नदीवर आज दुपारी ही घटना घडली. पाण्यात बुडाल्याचे समजताच मदतकार्य करण्यासाठी जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड हे समयसुचकतेने दाखल झाले. त्यांनी तातडीने बुडालेल्या युवकाला नाशिकच्या शासकीय रुग्णालयात दाखल केले. मात्र तो मृत झाल्याचे वैद्यकीय अधिकाऱ्यांनी घोषित केले. संतोष परसराम धोंगडे वय 28 रा. कुऱ्हेगाव असे दुर्दैवी युवकाचे नाव आहे. काही दिवसापूर्वी माया मिलिंद धोंगडे या युवतीचा अपघातात मृत्यू झाल्याने आधीच कुऱ्हेगावात शोककळा असून ह्या युवकांच्या मृत्यूने त्यात भर पडली आहे.

SpeedNet internet solutions 

High Speed internet WiFi service in Ghoti & Igatpuri
contact us
94 222 1414 3

https://maps.google.com/?cid=8651594604110889001&entry=gps