– कु. सोनाली कोसे, चंद्रपूर, 9322482768
सोनियाचा दिवस उजाडला
जन्मले रत्न जिजाऊच्या पोटी
ढोल ताशांच्या गजरात
हर्षित झाले मावळे कोटी
शिवनेरी किल्ल्यावर जल्लोष
माझ्या राज्याच्या आगमनाने
नायनाट करण्या मुघल शत्रूंचा
वार केले धारदार तलवारीने
आई जिजाऊचा लेक
छत्रपती शिवाजी महाराज
शिवनेरी किल्ल्यावर जन्मला
घेऊनी किर्तीचा साज
प्रकटला कोहिनुर हिरा
सह्याद्रीच्या कुशीतून
पेटविली शौर्याची मशाल
अन्यायाविरुद्ध लढून
लोककल्याणकारी जाणता राजा
मराठ्यांची एकमेव ढाल
झिजविला देह स्त्री रक्षणार्थ
युगपुरुष असा जिजाऊचा लाल
इतिहासाच्या पानावर
गाजतंय नाव शिवरायांचा
थाटामाटात करूया साजरा
उत्सव शिवजन्मोत्सवाचा…