इगतपुरीनामा न्यूज, दि. २९ – नासिक मुंबईकडे जाणाऱ्या अज्ञात वाहनाने रस्ता ओलांडणाऱ्या रोड कामगाराला धडक दिल्याने अपघात झाला. ही घटना व्हिटीसी फाट्यावर रात्री सव्वा नऊच्या दरम्यान घडली. या घटनेमध्ये ४० वर्षीय कामगार गंभीर जखमी झाला असून अज्ञात वाहन पसार झाले आहे. सुधीर सूर्यकांत ओझरकर वय ४० रा. सिडको नाशिक असे कामगाराचे नाव आहे. गोंदे औद्योगिक वसाहतीतील सॅमसोनाईट कंपनीचे ते कामगार असल्याचे समजते. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमीला नाशिकच्या शासकीय रुग्णालयात दाखल केले आहे.