
इगतपुरीनामा न्यूज – त्र्यंबकेश्वर तालुक्यातील आळवंड धरणाच्या पाण्यात बुडून सातपूर, नाशिक येथील ३९ वर्षीय व्यक्तीचा मृत्यू झाल्याची घटना उघडकीस आली आहे. याप्रकरणी घोटी पोलीस ठाण्यात अकस्मात मृत्यूची नोंद करण्यात आली आहे. मयताचे नाव अमोल अशोक पाटील, वय ३९, रा. शिवाजी नगर, सातपूर, ता. जि. नाशिक असे आहे. पोलिसांनी दिलेल्या माहितीनुसार, अमोल पाटील हे १८ नोव्हेंबरला सकाळी ११ वाजेच्या सुमारास त्यांची कार क्र. MH-15-JC-5615 घेऊन निघून गेले होते. त्यानंतर २१ नोव्हेंबरला सायंकाळी ५.३० वाजेपूर्वी आळवंड धरण, वावी हर्ष शिवारातील अरेना व्हिलाच्या मागील बाजूस धरणाच्या पाण्यात ते बुडून मयत अवस्थेत आढळून आले. या घटनेची माहिती त्यांचे भाऊ संदीप अशोक पाटील, वय ४२, रा. प्रसन्न प्लॅन ८, फ्लॅट क्र. ३०९, सुंदरवाडी, ता. जि. छत्रपती संभाजीनगर यांनी पोलिसांना दिली. त्यानुसार २१ नोव्हेंबर २०२६ रोजी रात्री ९.५७ वाजता घोटी पोलीस ठाण्यात अकस्मात मृत्यू रजि. नं. ११३/२०२६ (BNSS कलम १९४ प्रमाणे, स्टे. डा. क्र. ३२/२०२६) दाखल करण्यात आला आहे. या घटनेचा पुढील तपास सुरु करण्यात आला आहे.