इगतपुरीनामा न्यूज, दि. ६
इगतपुरी तालुक्यातील शेणवड गावाजवळ रामदास बाबा रस्त्यावर दोन मोटारसायकली समोरासमोर धडकल्याने आज रात्री साडेसातच्या दरम्यान अपघात झाला. यामध्ये 3 जण गंभीर जखमी झाले आहेत. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या शासकीय रुग्णालयात दाखल केले आहे.
MH 15 FR 6736 आणि MH 15 FE 2041 ह्या मोटारसायकलींची धडक झाल्याने झालेल्या अपघातात नवनाथ भिवा वारघडे वय 22, किसन सखाराम वारघडे वय २५ रा. शेणवड खुर्द, विष्णू गायकर रा. मालुंजे हे जखमी झाले आहेत. जखमींना नाशिकला दाखल केले असून एक जखमीला १०८ रुग्णवाहिकेने घोटी ग्रामीण रुग्णालयात दाखल केल्याचे समजते.