इगतपुरीनामा न्यूज – इगतपुरीच्या आयडियल तायक्वांदो अकॅडमीची विद्यार्थिनी कु. क्षितीजा रविंद्र जोगदंड हिने २९ किलो वजन आतील मुलींच्या गटात दुसऱ्या नॅशनल फेडरेशन कप २०२६ तायक्वांदो स्पर्धेत कांस्यपदक पटकावले आहे. १८ ते २२ जानेवारी ह्या कालावधीत जयपूर राजस्थान येथे ही स्पर्धा संपन्न झाली. इगतपुरीच्या नगरसेविका भारती मंगेश शिरोळे ह्यांच्या हस्ते कु. क्षितीजा जोगदंड हिचा सत्कार करण्यात आला. त्यांनी तिचे हार्दिक अभिनंदन करून पुढील वाटचालीसाठी हार्दिक शुभेच्छा दिल्या. आयडियल तायक्वांदो अकॅडमीचे मुख्य प्रशिक्षक विशाल जगताप, सहाय्यक प्रशिक्षक खंडू लहाने, माधव तोकडे, मीना जगताप, कु. कार्तिक विशाल जगताप यांनी तिचे विशेष अभिनंदन केले आहे. नाशिक येथे तायक्वांदो असोसिएशन ऑफ महाराष्ट्र तर्फे डिसेंबरमध्ये महाराष्ट्र ओपन स्टेट तायक्वांदो चॅम्पियनशिप २०२५- २६ ( क्योरुगी व पुमसे Pee wee , सबज्युनिअर, कॅडेट, ज्युनिअर, सिनिअर मुले व मुली ) चे आयोजन केले होते. त्या स्पर्धेत कु. क्षितिजा जोगदंड हिने सुवर्णपदक जिंकून तिची राष्ट्रीय स्पर्धेत निवड झाली होती. जयपूर राजस्थान येथील स्पर्धेसाठी प्रशिक्षक म्हणून कार्तिक विशाल जगताप यांनी काम पाहिले. कु. क्षितिजा जोगदंड इगतपुरीच्या नुतन मराठी स्कूलमध्ये ४ थी मध्ये शिकत आहे. तिचे तायक्वांदोचे प्रशिक्षण इगतपुरीच्या आयडियल तायक्वांदो अकॅडमीत सुरु आहे.
