इगतपुरीनामा न्यूज – इगतपुरी तालुका रास्त भाव धान्य दुकानदार संघटनेच्या इगतपुरी तालुकाध्यक्षपदी नांदगाव सदो येथील अरुण भागडे यांची बिनविरोध निवड झाली आहे. इगतपुरीचे आमदार हिरामण खोसकर, माजी सभापती रघुनाथ तोकडे, तहसीलदार अभिजित बारवकर यांनी त्यांचे अभिनंदन केले आहे. यावेळी उपाध्यक्षपदी नामदेव साबळे, खजिनदारपदी पंढरीनाथ भोसले, सरचिटणीसपदी बबलू गटखळ, संघटकपदी विष्णू राव, कार्याध्यक्षपदी सचिन गोणके, सहखजिनदारपदी महेंद्र आडोळे, सल्लागारपदी मोहन रावत, तात्यापाटील भागडे यांची निवड करण्यात आली. रास्त भाव धान्य दुकानदारांच्या समस्या शासनस्तरावर पाठपुरावा करून सोडवण्यासाठी कटिबद्ध आहे अशी प्रतिक्रिया नूतन तालुकाध्यक्ष अरुण भागडे यांनी व्यक्त केली. महाराष्ट्र राज्य अध्यक्ष गणपतराव डोळसे पाटील, नाशिक जिल्हाध्यक्ष यांच्या मार्गदर्शनाखाली ही निवड करण्यात आली. निवडीप्रसंगी इगतपुरी तालुक्यातील ५७ रेशन दुकानदार उपस्थित होते. यावेळी अनेक विषयांवर चर्चा झाली. दुकानदारांना भेडसावणाऱ्या समस्या, त्यावर शासन व प्रशासन स्तरावर योग्य तो समन्वय साधून उपाययोजना करणे, संघटना मजबुतीकरण, सक्षमीकरण, अधिकारी वर्गाच्या सूचनांचे पालन, अंमलबजावणी, दुकानदार यांची ग्राहकांप्रती कर्तव्य या विषयावर चर्चा झाली. उपस्थित दुकानदारांनी चर्चेत सहभाग घेत आपली मते नोंदवली.