इगतपुरीनामा न्यूज – घोरपडेवाडी येथील जिल्हा परिषद प्राथमिक शाळेत प्रजासत्ताक दिन मोठ्या उत्साहात साजरा करण्यात आला. कार्यक्रमाच्या अध्यक्षस्थानी संपत घोरपडे व प्रमुख पाहुणे म्हणून खंडू घाणे उपस्थित होते. मान्यवरांच्या हस्ते ध्वजारोहण करण्यात आले. यावेळी विद्यार्थ्यांनी राष्ट्रगीत व संविधान प्रस्तावनेचे सामूहिक वाचन केले. यावेळी विद्यार्थ्यांसाठी विविध सांस्कृतिक कार्यक्रम घेण्यात आले. यामध्ये देशभक्तीपर गीते, नृत्य, समूहगीत, भाषणे व कविता यांचा समावेश होता. विद्यार्थ्यांच्या सादरीकरणातून भारताच्या स्वातंत्र्यलढ्याचे महत्त्व, संविधानाची मूल्ये व राष्ट्रीय एकात्मतेचा संदेश देण्यात आला. उपस्थितांनी या सांस्कृतिक कार्यक्रमांचे कौतुक केले. याप्रसंगी मुख्याध्यापक हरिश्चंद्र भाग्यवंत, शिक्षक वैभव रेवगडे, शिक्षकेतर कर्मचारी, विद्यार्थी व ग्रामस्थ मोठ्या संख्येने उपस्थित होते. प्रजासत्ताक दिनाच्या निमित्ताने विद्यार्थ्यांमध्ये देशप्रेम व नागरिक कर्तव्याची जाणीव निर्माण करण्याचा उद्देश साध्य झाल्याचे मुख्याध्यापकांनी सांगितले.