इगतपुरीनामा न्यूज, दि. ११
मुंबई आग्रा महामार्गावर रात्री सव्वाबारा वाजता गोंदे फाटा एचपी पंपासमोर अज्ञात पिकअप आणि मोटारसायकलचा अपघात झाला. यामध्ये २ जण गंभीर जखमी झाले आहेत. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या खासगी रुग्णालयात दाखल केले आहे. वेळेत उपचार मिळाल्याने जखमींचा जीव वाचवण्यास मदत झाली.
MH 19 SW 9460 ही मोटरसायकल प्रभु ढाब्याच्या दिशेकडुन येत असताना एचपी पंपासमोर मागुन येणाऱ्या अज्ञात पिकपकने त्यांना जोरदार धडक देवुन वाहन पसार झाले. ह्या अपघातात ऋषिकेश प्रकाश पाटील वय २१ रा. धुळे, गौरव विनोद कुलकर्णी वय २१ रा. नासिक हे दोघे गंभीर जखमी झाले. जगद्गुरु नरेंद्राचार्य महाराज संस्थानच्या मोफत रुग्णवाहिकेच्या तत्पर सेवेमुळे जखमींना जीवदान मिळाले आहे.
