इगतपुरीनामा न्यूज, दि. ८
जागतिक महिला दिनानिमित्त इगतपुरी तालुक्यात कार्यरत असणाऱ्या कर्तृत्ववान महिलांचा सन्मान करण्यात आला. कर्तृत्ववान शिक्षिका आरती बोराडे, बॉबीन लघुपटाच्या सर्व महिला भगिनी, शिक्षिका माधुरी पाटील यांचा नाशिक मर्चंट को-ऑपरेटिव्ह बँकेच्या वतीने आज सन्मान करण्यात आला. आरती बोराडे दिग्दर्शित बॉबीन या लघुपटाच्या पोस्टरचे अनावरण यावेळी करण्यात आले.
नाशिक मर्चंट को-ऑपरेटिव्ह बँकेच्या व्यवस्थापक मंगल राठोड, इगतपुरी तालुका शिक्षक संघाचे तालुकाध्यक्ष निवृत्ती नाठे, पंचायत समिती सदस्या जिजाबाई नाठे ,शिवसेनेचे तालुका नेते राजाभाऊ नाठे, गोंदे दुमालाचे सरपंच शरद सोनवणे, बँकेचे सर्व सहकारी व महिला भगिनी उपस्थित होत्या. यावेळी सर्व महिला वर्गाला जागतिक महिला दिनाच्या शुभेच्छा देण्यात आल्या.