इगतपुरीनामा न्यूज, दि. ५
इगतपुरी तालुक्यातील मुरंबी शिवारात असलेल्या भाऊसाहेब बोडके यांच्या उसाच्या शेतात बिबट्याचे बछडे आढळून आले आहेत. काल सायंकाळी व आज सकाळी ऊस तोडणी सुरू असताना अचानक बिबट्याचे बछडे आढळले. त्यामुळे ह्या परिसरात भीती पसरली आहे. भीतीमुळे खळबळ उडाली असल्याने वन विभागाने पिंजरा लावण्याची मागणी होत आहे. अद्याप बिबट्याची मादी दिसलेली नाही. बछड्यांच्या शोधात असणारी मादी आक्रमक होण्याची शक्यता वाटत आहे. ही मादी आसपास असण्याची शक्यता गावकऱ्यांनी वर्तवली आहे. वनविभागाने तात्काळ पिंजरा लावून बिबट्याच्या बछड्याचा व मादीचा बंदोबस्त करावा अशी मागणी नागरिकांनी केली आहे