कवितांचा मळा : आषाढी एकादशी

रचना : सौ. माधुरी शेवाळे पाटील
जिल्हा परिषद प्राथमिक शाळा मोडाळे
ता. इगतपुरी जि. नाशिक
संवाद : 7588493260

स्वागत आषाढी । एकादशी भारी
निघाली सवारी । पंढरीला ।।१।।

गळ्यात मृदुंग । हातात चिपळी
वाजवीत टाळी । वारकरी ।।२।।

विठ्ठल विठ्ठल । मुखात भजन ।
तल्लीन होऊन । नाचतीया ।३।।

विसावा घेऊन । करती कीर्तन
सारे भक्तगण । कालव्याचे ।।४।।

पंढरीचा राजा । चंद्रभागे तिरी
स्नान वारकरी । करतीया ।।५।।

विटेवरी उभा । सावळा विठुराय
सोबत रखुमाय । पांडुरंगा ।।६।।

धन्य होई प्रजा। दर्शन कळसा
मंदिरी वळसा । मारतीया ।।७।।

पालखी सोहळा । नामाचा गजर
पंढरपूर फार । गजबजे ।।८।।।

दाही दिशातून । निघत पालखी
होतात ओळखी । शिवालयी ।।९।।

पंढरीची वारी । नयनी साठून
मिळे समाधान । माधुरीला ।।१०।।