“दारुचा गियर”

कवी : जी. पी. खैरनार, नाशिक
७०८३२३४०२१ / ९४२१५११७३७ 

बेवडे म्हणती दारु,
कोण म्हणतं बियर !
दोन पेग पिल्यावर,
पडतो पहा गियर !!

                    दारु पायी नका म्हणू,
                    मी लागलो देशो धडी !
                    देशाची बसवतोय,
                    मी विस्कटलेली घडी !!

मरण झालंय स्वस्त,
दारु झालीया महाग !
देशाच्या जनतेसाठी,
मी करतो आहे त्याग !!

                    मला खंत नाही माझी,
                    नसे हो माझ्या घरची !
                    दारु पिता कर भरतो,
                    काळजी भारतीयांची !!

मी दारु पिलो म्हणून,
मज नका म्हणू वेडा !
कोरोनाच्या संकटाने,
मी झालो पहा बेवडा !!

                    अति दारु सेवनाने,
                    माझा जीव पहा गेला !
                    लोक म्हणतील बरा,
                    एकदा परचा मेला !!

चारच बेवडे मित्र,
रडती प्रेत पाहून !
म्हणतील दारु घष्टी,
प्यायची गेली राहुन !!

                    अंत्य यात्रेत माणसे,
                    असावी बरी तेवढी !
                    चार खांदेकरी मात्र,
                    असावी पक्की बेवडी !!

सरणावर द्या मला,
उशाशी दारु बाटली !
कवटी सोबत माझ्या,
दारु बाटली नटली !!

                    दारुपायी देह माझा,
                    गेला हो सरणावरी !
                    नशा मुक्ती करु सारे,
                    हीच शिकवण खरी !!

( कवी नाशिकच्या जिल्हा परिषद अध्यक्षांचे स्वीय सहाय्यक असून नामवंत कवी आणि लेखक म्हणून सुद्धा ते प्रसिद्ध आहेत. )

Similar Posts

Leave a Reply

error: Content is protected !!