इगतपुरीनामा न्यूज – इगतपुरी त्र्यंबकेश्वरचे उपविभागीय दंडाधिकारी यांनी आरोपी निलेश गणेश भगत, वय २६, रा. इंदिरानगर, घोटी याला २९ एप्रिलपासून ६ महिन्यांसाठी नाशिक जिल्ह्यातून तडीपार केलेले आहे. त्यानुसार त्याला २७ मे रोजी हद्धीबाहेर सोडून देण्यात आले. मात्र त्याने आदेशाचे उल्लंघन करून नाशिक जिल्ह्यात प्रवेश केला. म्हणून राहत्या घरून त्याला ताब्यात घ्यायला गेल्यावर त्याने अंगावर धावून झटापट आणि धक्काबुक्की केली. यासह शासकीय कामात अडथळा निर्माण करून पळून जाण्याचा प्रयत्न केला. यावेळी त्याच्या ताब्यातून धारदार हत्यार जप्त करण्यात आले आहे. याबाबत पोलीस कर्मचारी प्रकाश कासार यांनी दिलेल्या फिर्यादीवरून घोटी पोलिसांनी गुन्हा दाखल केला आहे. पोलीस निरीक्षक विजय शिंदे, पोलीस उपनिरीक्षक प्रतीक भिंगारदे यांच्या मार्गदर्शनाखाली पोलीस अंमलदार सुनील पाटील, लक्ष्मण धकाते, संतोष नागरे, प्रकाश कासार, योगेश शिंदे वैशाली डावरे हे पथक तपास करीत आहेत.
