इगतपुरीनामा न्यूज – वाडीवऱ्हे पोलीस स्टेशन हद्दीतील सारूळ शिवारात मोकळ्या माळरानात २५ वर्षीय अज्ञात तरुणीचे प्रेत मिळून आले आहे. मयत तरुणीच्या मानेवर चाकूने वार करून तिचा खून केल्याचे प्रथमदर्शनी दिसत आहे. तरुणीच्या अंगात काळ्या रंगाचा फुल बाहीचा टी शर्ट, आतून लाल रंगाचे अंतर्वस्त्रे, निसूस फिकट निळ्या रंगाची जीन्स पॅन्ट, पायात सफेद स्पोर्ट शूज, काळे सॉक्स, गळ्यात बारीक पिवळ्या धातूची चैन, दोन्ही हातांचे बोटात बारीक धातूच्या अंगठ्या आहेत. असे वर्णन असलेली अनोळखी तरुणी मृतावस्थेत मिळून आली आहे. वाडीवऱ्हे पोलीस स्टेशन येथे गुन्हा दाखल करण्याची प्रक्रिया सुरू आहे. ह्या वर्णनाच्या तरुणीबाबत कोणाला काही माहित असल्यास तातडीने पोलीस स्टेशनशी संपर्क साधावा असे आवाहन करण्यात आले आहे.
