इगतपुरीनामा न्यूज – भारत देशभरात आणि संपूर्ण राज्यात नावाजलेल्या आदर्श ग्रामपंचायत मोडाळे गावाची बदनामी करून नाहक चिखलफेक केली जात आहे. ग्रामपंचायत निवडणुकीत पराभूत व्यक्ती हे षडयंत्र करीत असून त्याच्या आरोपामध्ये तिळमात्र तथ्य नाही. गावासाठी घेतलेली रुग्णवाहीका घेण्यासाठी श्रीजी हॉस्पिटलच्या डॉक्टरांनी ३ लाख आणि गोरख बोडके यांनी १ लाख रुपये आणि अन्य रक्कम मुंबईच्या एका दानशूर व्यक्तीने दिली. यामध्ये ग्रामपंचायतीचा किंवा ग्रामस्थांचा एकही रुपया घेतला नाही. गावातील लोकांना फायदा व्हावा म्हणून ही रुग्णवाहीका ग्रामपंचायतीच्या नावावर घेतलेली आहे. ग्रामपंचायत आर्थिक खर्च करण्याला सक्षम नसल्याने वाहक, इंधन, देखभाल दुरुस्ती आदी खर्च झेपणारा नाही. म्हणून ग्रामसभेत ठराव करून रुग्णवाहीका मोफत सेवेसाठी संबंधित हॉस्पिटलच्या ताब्यात दिली. या हॉस्पिटलद्वारे आणि रुग्णवाहिकेद्वारे आजही मोडाळे गावाला मोफतच सेवा देत आहोत. याबाबत कोणीही खात्री करायला जाऊ शकतात. राजकीय वचपा काढण्यासाठी विनाकारण खोटे आरोप केले जात आहे. यापुढे मोडाळे गावाबाबत आणि रुग्णवाहिकेबाबत खोटे आरोप केल्यास संबंधित व्यक्तीला न्यायालयात खेचून धडा शिकवू असा घणाघात मोडाळेच्या सरपंच शिल्पा आहेर यांनी बोलतांना केला.
Related Posts
छत्रपती शिवाजी महाराज शौर्य जागरण यात्रेचे आहुर्ली येथे उत्स्फुर्त स्वागत
नवनाथ गायकर : इगतपुरीनामा न्यूज – नाशिक जिल्हा विश्व हिंदू परिषद व बजरंग दल यांचे वतीने नाशिक जिल्हयात छत्रपती शिवाजी…
घोटी येथील खून प्रकरणी मयताची पत्नी आणि २ युवकांवर खुनाचा गुन्हा दाखल
इगतपुरीनामा न्यूज – घोटी बुद्रुक येथील रुपेश संतु साबळे ४२ वर्षे रा. श्रीरामवाडी घोटी यांना जीवे ठार मारून त्याची ओळख…
धामडकीवाडी शाळेच्या अभिमानास्पद कामगिरीमुळे आमची मान उंचावली – अभिनव अजमेरा : शिक्षणाच्या ज्ञानधारा सर्वांसाठी अमृतधारा बनवण्यासाठी प्रत्येकाने शिक्षणाचा वसा घ्यावा
इगतपुरीनामा न्यूज, दि. २९ समाजासह शिक्षकांच्या अविरत साहाय्याने मिळालेल्या ज्ञानामुळे विविध क्षेत्रातील प्रगती साधणे शक्य झाले. त्यामुळे ह्या सर्वांचे ऋण…