इगतपुरीनामा न्यूज – नाशिक शिक्षण प्रसारक मंडळ संचालित इगतपुरी येथील कला, वाणिज्य महाविद्यालयात शिक्षक दिन साजरा करण्यात आला. ‘एक दिवसीय प्राध्यापक’ या कार्यक्रमानुसार महाविद्यालयाच्या विद्यार्थ्यांनी शिक्षक दिनानिमित्त विविध विषयांच्या अध्यापनाचे काम केले. त्यामध्ये अनेक विद्यार्थ्यांनी उत्साहाने सहभाग नोंदवला. कार्यक्रमाप्रसंगी महाविद्यालयाच्या प्राचार्या प्रतिभा डी. हिरे , स्टाफ सेक्रेटरी प्रा. एल. एस. अहिरे, सांस्कृतिक विभाग प्रमुख प्रा. डी. पी. तोटे, विद्यार्थीं प्राचार्या म्हणून कु. सानिका भागडे, स्टाफ सेक्रेटरी म्हणून कु. मनाली गोसावी आदी विद्यार्थ्यांनी दिवसभराचे कामकाज पाहिले. प्राचार्या प्रतिभा हिरे यांनी विद्यार्थी घडविण्यासाठी शिक्षकाची भुमिका याविषयावर मार्गदर्शन केले. कार्यक्रमाचे सूत्रसंचालन कु. देवयानी भागडे, आभार कु. पायल मोरे हिने मानले. मनाली गोसावी हिने कार्यक्रमाच्या प्रास्ताविकात शिक्षकाविषयीचे कृतज्ञता व्यक्त केली. महाविद्यालयातील इतर विद्यार्थ्यांनी सुद्धा शिक्षक दिनानिमित्त शिक्षकांविषयी धन्यता मानली. महाविद्यालयातील सर्व प्राध्यापक व प्राध्यापकेतर कर्मचारी यांना भेटवस्तू देऊन त्यांचे आभार व्यक्त करण्यात आले.
