इगतपुरीनामा न्यूज – इगतपुरीजवळ भावलीहून इगतपुरीच्या दिशेने पोकलँड घेऊन येणारा कंटेनर पेटला आहे. एकलव्य निवासी आश्रम शाळेजवळ ओव्हरहेड वायरचा पोकलँडला स्पर्श झाल्याने विद्युत प्रवाह खाली उतरून कंटेनरच्या आठही टायरने पेट घेतला. वाहनचालकाने प्रसंगावधान राखत पोकलँड खाली उतरवून कंटेनरचा पुढील भाग ट्रेलर पासून वेगळा केला. ह्या घटनेमुळे या मार्गावरील वाहतूक विस्कळित झाली होती. घटनास्थळी बघ्यांची एकच गर्दी झाली होती. घटनेची माहिती मिळताच इगतपुरी टोल प्लाझा, इगतपुरी नगर परिषद, महिंद्रा अँड महिंद्राच्या अग्निशमन दलाच्या कर्मचाऱ्यांनी तात्काळ घटनास्थळी दाखल होत आग आटोक्यात आणली.