इगतपुरीनामा न्यूज, दि. ९ – अंधेरी येथील ऊर्जा चॅरिटी फाउंडेशनच्या आर्थिक साहाय्याने गरुडेश्वर जिल्हा परिषद प्राथमिक शाळेच्या दुरुस्ती कामांचे उदघाटन करण्यात आले. पाच वर्गखोल्या, एक किचनशेड, एक मुलींचे शौचालय, ओपन पॅसेज आणि व्हरांडा यांची दुरुस्ती झाली. वर्ग, किचनशेडची उंची वाढवणे, प्लास्टर, वर्गखोल्यांना फ्लोरिंग टाईल्स, स्लाइंडिग खिडक्या, दरवाजे, मुलींच्या शौचालयामध्ये युरिन कंपार्ट वाढवणे, वॉल टाईल्स, टॉयलेट दुरुस्ती, वॉश बेसिन टॉयलेट, बाहेरील पॅसेज, पार्किंग टाईल्स आदींचे फाउंडेशनच्या आर्थिक साहाय्याने नूतनीकरण करण्यात आले. व्हरांड्याच्या पार्किंग टाईल्सचे काम ग्रामपंचायतीच्या माध्यमातून करण्यात आले. यावेळी ऊर्जा ग्रुपच्या ३६ महिला सदस्या, ३ पुरुष सदस्य उपस्थित होते. गावातून मिरवणूक काढून शाळेच्या प्रवेशद्वारावर महिलांनी पाहुण्यांचे औक्षण करून स्वागत केले. सरस्वती पूजनाने कार्यक्रमाची सुरु झाला. फाउंडेशनतर्फे चादर, रायटिंग पॅड, शैक्षणिक साहित्य, खाऊ वाटप करण्यात आले.
पाहुण्यांच्या हस्ते वर्गखोल्यांचे उदघाटन झाले. झालेले काम पाहून फाउंडेशनने आनंद व्यक्त केला. ज्ञानेश्वर बांगर यांनी मिळालेल्या भौतिक सुविधा, वर्गखोल्यांची दुरुस्ती कामे याबाबत माहिती दिली. राज्य आदर्श शिक्षक प्रमोद परदेशी, आप्पा जाधव, अतुल अहिरे, सुरेखा वाघ, कविता गभाले यांनी आपले मनोगत व्यक्त केले. यावेळी विद्यार्थ्यांनी आलं आदिवासी वादळ या आदिवासी गाण्यावर ताल धरला. राजं आलं ह्याही गाण्यावर उत्तम नृत्य सादर केले. फळविहिरवाडी येथील आदिवासी बांधवांनी पारंपरिक कामडनृत्य सादर केले. गावकऱ्यांनी मिष्टान्न भोजनाचा आस्वाद घेतला. सामाजिक कार्यकर्ते तुकाराम वारघडे, सरपंच वेणूताई बोटे उपसरपंच निर्मला पोटकुले, मुख्याध्यापक देविदास गांगुर्डे, हिरामण वारघडे, श्रीराम बोटे, संपत पोटकुले, अशोक पोटकुले, तुकाराम पोटकुले, कुंडलिक पोटकुले, पोपट लोहकरे, दत्तू पोटकुले, बाळू गोडे, अरुण डगळे, शरद कुंदे, सूरज खोकले, विजू गवारी, अंतू वारघडे, ज्ञानेश्वर वारघडे, पांडुरंग कर्टूले, सोमनाथ कुंदे, शिवाजी वारघडे, संजू लोहरे, पॅडी फोडसे यांनी सहकार्य केले. सूत्रसंचालन पंढरीनाथ कदम यांनी तर आभार राजेंद्र पवार मानले.
