इगतपुरीनामा न्यूज, दि. 26
मुंबई आग्रा महामार्गावर आठवा मैल येथे आज सायंकाळी 5 वाजता मागून येणाऱ्या वाहनाने मोटारसायकलला धडक दिल्याने अपघात झाला. यामध्ये 3 जण गंभीर जखमी झाले आहेत. ही घटना घडली त्यावेळी जिल्हा नियोजन समितीचे सदस्य गोरख बोडके तिथून प्रवास करीत होते. त्यांनी तातडीने अपघातग्रस्त व्यक्तींना मदतकार्य केले. त्यांनी जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांना पाचारण केले. ही रुग्णवाहीकेने समयसुचकतेने अपघातस्थळी दाखल होऊन गंभीर जखमींना नाशिकच्या जिल्हा शासकीय रुग्णालयात दाखल केले. बंडू भिका खराटे वय 40, शीतल बंडू खराटे वय 30, सुरेखा राजाराम खराटे वय 35 सर्व राहणार विल्होळी अशी गंभीर जखमींची नावे आहेत.