इगतपुरीनामा न्यूज – सीए इंटरमिजिएट परीक्षेचा निकाल आज जाहीर झाला. त्यात सृष्टी प्रमोद चिंचोले हिने देशात ४६ वा क्रमांक प्राप्त केला आहे. सीए फाऊंडेशन परीक्षेत देखील तिने देशात सहावा क्रमांक प्राप्त केला होता. या परीक्षेचा निकाल फक्त 8 टक्के लागला आहे. अतिशय कठिण व खडतर असलेल्या परीक्षेत राष्ट्रीय पातळीवर ४६ वा क्रमांक प्राप्त करणे खरोखर गौरवास्पद आहे. इगतपुरी येथील शिक्षण विस्ताराधिकारी प्रमोद चिंचोले यांची ती कन्या आहे.तिला माईंड स्पार्क अकॅडमीचे शुभम संघवी, मयुर संघवी, भूषण घोसर, प्रसाद मालपाणी, काजल भंडारी, गालिब मिर्झा, अंकिता संघवी, पायल संघवी यांचे मार्गदर्शन लाभले. तिच्या यशाबद्दल नाशिक जिल्हा परिषदेचे मुख्य कार्यकारी अधिकारी ओमकार पवार, शिक्षणाधिकारी ( प्राथामिक) साईलता सामलेटी, शिक्षणाधिकारी ( माध्यमिक) प्रशांत दिग्रसकर, शिक्षणाधिकारी ( योजना ) सरोज जगताप आदींनी अभिनंदन केले आहे.
