इगतपुरीनामा न्यूज – घोटी खुर्द विविध कार्यकारी सोसायटीच्या चेअरमन आणि व्हॉइस चेअरमनपदाची निवडणूक आज पार पडली. शिवाजीराजे फोकणे आणि विष्णूपंत गोडसे यांच्या नेतृत्वाखाली ही निवडणूक बिनविरोध झाल्याने इगतपुरी तालुक्यात आनंद व्यक्त केला. घोटी खुर्द सोसायटीच्या चेअरमनपदी कचरु बाबुराव फोकणे तर व्हॉइस चेअरमनपदी रमेश किसन निसरड यांचई बिनविरोध निवड झाली. बिनविरोध निवडीसाठी शिवाजीराजे फोकणे आणि विष्णूपंत गोडसे यांनी विशेष प्रयत्न केले. निवडीच्या बैठकीवेळी सोसायटीचे संचालक बळीराम सिताराम रोंगटे, संतोष निवृत्ती कोकणे, चंद्रभान विष्णू फोकणे, आत्माराम ज्ञानेश्वर फोकणे, लालु कारभारी बिन्नर, उमाजी विठोबा रोंगटे, शिवाजी सिताराम मोंढे, अशोक शंकर पंडीत, ईश्वर रंगनाथ रोंगटे, विमलबाई रामचंद्र कोकणे, द्रौपदाबाई बाळासाहेब खातळे आदी उपस्थित होते. सार्थ निवड झाल्याबद्धल घोटी खुर्द ग्रामस्थ आणि इगतपुरी तालुक्यातील विविध पदाधिकाऱ्यांनी नवीन चेअरमन आणि व्हॉइस चेअरमन यांचे अभिनंदन केले आहे. नवे चेअरमन कचरू फोकणे, व्हॉइस चेअरमन रमेश निसरड यांच्या माध्यमातून शेतकऱ्यांसाठी उत्तम काम उभे राहील. घोटी खुर्द येथील शेतकऱ्यांची जीवनवाहिनी असणाऱ्या सोसायटीमध्ये चांगले काम करण्यासाठी ह्या लोकांना संधी दिली आहे. निश्चितच गावाला अभिमान वाटेल असे काम नवे पदाधिकारी करतील असा विश्वास शिवाजीराजे फोकणे यांनी यावेळी व्यक्त केला.
