इगतपुरीनामा न्यूज – इगतपुरी तालुक्यातील साकुरफाटा येथे खासदार राजाभाऊ वाजे, शिवसेनेचे उपजिल्हाप्रमुख निवृत्ती जाधव यांच्या नेतृत्वाखाली समाजसेवक राधाकिसन झनकर यांनी महाशिवरात्रीचे औचित्य साधून सर्वतीर्थ टाकेदकडे जाणाऱ्या भाविकांना फराळाचे वाटप केले. इगतपुरी तालुक्यातील सर्वतीर्थ टाकेद हे रामायणकालीन अत्यंत महत्त्वाचे असे ठिकाण असल्याने साकुरफाट्यावरून भाविक, महिला, आबालवृद्ध दर्शनासाठी जात असतात. महाशिवरात्रीच्या पार्श्वभूमीवर साकुरफाट्यावरून बम बम भोलेचा जयघोष करीत अनेक भक्तगण दर्शनासाठी दाखल झाले आहेत. या रस्त्याने जाणाऱ्या भाविक भक्तांना सामाजिक दृष्ट्रीकोनातून फराळ वाटप केल्याने त्यांनी कृतज्ञता व्यक्त केली. याप्रसंगी शिवाजी काळे, सरपंच गणेश टोचे, हेमंत झनकर, योगेश सहाणे, रंगनाथ भगत, रघु वाघचौरे, पप्पू वाकचौरे, सुदाम शिंदे यांच्यासह शिवसैनिक व कार्यकर्ते उपस्थित होते.
