ज्ञानेश्वर मेढेपाटील : इगतपुरीनामा न्यूज – महाराष्ट्र राज्य ॲथेलॅटिक असोसिएशन, सोलापूर जिल्हा ॲथेलॅटिक्स असोसिएशन व अजिंक्य स्पोर्ट्स अकॅडमी यांच्या संयुक्त विद्यमाने पंढरपूर येथे राज्यस्तरीय दोन दिवसीय मैदानी सब ज्युनियर गटाच्या राज्यस्तरीय ॲथेलॅटिक्स स्पर्धेची यशस्वी सांगता झाली. या स्पर्धेत ८, १०, १२, १४ वर्षे व मुले आणि मुली या वयोगटाचा समावेश होता. यामध्ये त्र्यंबकराज ॲथेलॅटिक ग्रुपच्या खेळाडूंचा नाशिकचे प्रतिनिधित्व करण्यासाठी सहभाग होता. यामध्ये त्र्यंबकराज ॲथेलॅटिक ग्रुपचे संचालक लोकेश कडलग यांनी त्यांच्या अपार मेहनतीच्या जोरावर व योग्य मार्गदर्शन केले. त्यामुळे त्र्यंबकेश्वर येथील तेजस मेढेपाटील याने १२ वर्षे आतील मुले लांब उडी प्रकारात रौप्य पदक मिळविले. यावेळी दिशा पटेल, प्रसाद मेढेपाटील, गार्गी उगले, आदिनाथ ( शौर्य )चव्हाण, कार्तिक गुंबाडे, अनन्या पटेल, सिया कडलग, श्रीशा उगले, अनन्या राठी या खेळाडूनी राज्यस्तरीय स्पर्धेत नाशिकच्या वतीने सहभाग नोंदवला. त्र्यंबकराज ॲथेलॅटिक ग्रुपच्या खेळाडूनी प्रशिक्षकांच्या मार्गदर्शनाखाली राज्यावर मैदानी स्पर्धेत रौप्य पदक मिळवले आहे. तेजस मेढेपाटील व सहभागी झालेल्या सर्व खेळाडूंचे कौतुक होत असून,त्यांच्यावर शुभेच्छांचा वर्षाव होत आहे,
