वाडीवऱ्हेजवळील अपघातात घोटी येथील युवक, युवती जखमी : नरेंद्राचार्य रुग्णवाहिकेकडून जखमींना मिळाली मदत

इगतपुरीनामा न्यूज, दि. १७

आज दुपारी 1 वाजता घोटीकडून नाशिकच्या दिशेने जाणाऱ्या गॅस टँकरला पाठीमागून कारने धडक दिल्याने अपघात झाला. वाडीवऱ्हे येथिओ फॅब कंपनीजवळ झालेल्या ह्या अपघातात एक युवती गंभीर जखमी तर एक युवक किरकोळ जखमी झाला आहे. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या खासगी रुग्णालयात दाखल केले आहे. MH 06 AF 1729 असा वाहनाचा क्रमांक असून राणी सलीम शेख वय 30, भगवान लक्ष्मण भोले वय 31 दोघे रा. घोटी अशी जखमींची नावे आहेत. वाडीवऱ्हे पोलिसांनी घटनेची नोंद घेतली आहे.