इगतपुरीनामा न्यूज, दि. २
नाशिकच्या जलसंपदा विभागाचे निवृत्त अभियंता इंजि. सुहास पाटील यांनी आपल्या वाढदिवसाच्या खर्चाला फाटा देत १ हजार झाडांची लागवड केली आहे. या उपक्रमातुन त्यांनी समाजासमोर एक वेगळा आदर्श निर्माण केला आहे. आतापर्यंत त्यांनी विविध सामाजिक संस्थांच्या माध्यमातून खेड्यापाड्यात विद्यार्थ्यांना शैक्षणिक साहित्य मिळवून दिलेले आहे. गोदावरी सामाजिक संस्थेचे अध्यक्ष म्हणून सध्या ते काम पाहत आहेत. त्यांच्या उपक्रमाचे सर्वत्र कौतुक होत आहे. जलसंपदा विभाग व गोंदे येथील सॅमसोनाईटच्या
सहकार्याने दारणा धरणावर वड, पिंपळ, औदुंबर, आंबा, काजू, पेरू, सीताफळ, चिक्कू, आवळा, चिंच अशी विविध १ हजार झाडे लावण्यात आली. गेल्या १० वर्षात वृक्षप्रेमी अभियंता सुहास पाटील यांनी नाशिक डावा कालवा परिसरातील पिंप्री सैय्यद शाखा, दारणा, भावली, गंगापूर कश्यपी धरण परिसरात स्वयंसेवी संस्था, कॉर्पोरेट कंपनी व मित्रमंडळींच्या सहकार्याने ६५ हजार झाडे लावली आहेत. ३ वर्षे संवर्धन करुन त्यातील ४५ हजार झाडे त्यांनी जगवली आहेत. लवकरच १ लाख झाडे लावण्याचा संकल्प पूर्ण करणार असल्याचे त्यांनी सांगितले. यासह ग्रामस्थांमध्ये वृक्षारोपणाची आवड निर्माण व्हावी यासाठी सुहास पाटील हे खेड्यापाड्यावर ठिकठिकाणी प्रबोधनही करत असतात.
संत तुकाराम महाराजांनी वृक्षवल्लीचे महत्व अभंगाद्वारे केलेले आहे. त्यानुसार वृक्षांची लागवड झाल्यास जमिनीची धूप कमी होऊन पर्यावरणाचा समतोल राखला जातो. वृक्षांची कत्तल होत असल्यामुळे होत असेलला पर्यावरणाचा ऱ्हास थांबवण्यासाठी वृक्षारोपण हाच पर्याय आहे. वृक्षारोपणाची आवड असल्याने मी नागरिकांना वृक्षारोपणासाठी तयार करत आहे. सॅमसोनाइट आणि अनेक कंपन्यांची मदत यासाठी होत आहे. ही चळवळ यशस्वी होण्यासाठी लोकसहभाग महत्त्वाचा आहे.
- इंजि. सुहास पाटील अध्यक्ष गोदावरी सामाजिक संस्था नाशिक
इगतपुरी तालुक्यातील दारणा, भावली, कश्यपी धरण परिसरातील मोकळ्या जागांवर 1 हजार वृक्षांची लागवड करण्यात आली. वाढदिवसाच्या दिवशी इंजि. सुहास पाटील, पत्नी सुनंदा पाटील यांनी वृक्षांचे पूजन करून वृक्षारोपण कार्यक्रमाचा आरंभ केला. याप्रसंगी निवृत्त सेल टॅक्स उपायुक्त राजेंद्र मराठे, निवृत्त अधिक्षक अभियंता शामकांत पाटील, दौसुपचे अध्यक्ष डॉ. प्रदीप परदेशी, डॉ. संगीता परदेशी, इंटिरियर डिझायनर चंद्रकांत बोरसे, निवृत्त अभियंता शैलजा चव्हाण, निवृत्त कृषी अधिकारी मिलिंद चौधरी, राजेश्वर पाटील, लुपिन कंपनीचे विनय कुचेरिया, कल्पना कुचेरीया, इंजि. संभाजी पवार, कंत्राटदार सदानंद राऊळ, प्रा. डॉ. निलिमा पाटील, निवृत्त शिक्षिका संगीता दहीवेलकर, प्रतिभा पाटील, माया पवार, प्रा. विद्या देवरे, स्टेट बँकेचे निवृत्त शाखाधिकारी उज्वला पाटील, साधना मार्कंडेय, निवृत्त प्राचार्य दिनकर पाटील, गस बँकेचे शाखाधिकारी विनोद पाटील, प्रतिभा पाटील, सेंट्रल बँक ऑफ इंडियाच्या निवृत्त शाखाधिकारी सुनंदा संधान, बेस्टचे अधीक्षक अभियंता राजेंद्र पाटील, फुड इन्स्पेक्टर सरस्वती पाटील, प्रा.अंजली पाटील, संज्योत पाटील, लॅब टेक्निशियन ज्योती बोरसे, निवृत्त मुख्याध्यापिका सुनिता ( सरला ) पाटील, सुनंदा सुहास पाटील, सुनीता पाटील, हेमा चौधरी, सपना राऊळ, हर्षल विनोद पाटील, परदेशी काकू, जयहिंद शाळेचे मित्रमैत्रिणी आणि सवंगडी परिवार वृक्षारोपण कार्यक्रमाला उपस्थित होते. अत्यंत सुंदर अशा ह्या उपक्रमानिमित्त सर्वांनी इंजि. सुहास पाटील यांना वाढदिवसाच्या शुभेच्छा दिल्या.
