इगतपुरीनामा न्यूज, दि. १४
मुंबई आग्रा महामार्गावर वाडीवऱ्हे येथील दत्त मंदिराच्या जवळ आयशरने मोटारसायकलला पाठीमागून धडक दिल्याने अपघात झाला. हा अपघात आज रात्री साडेआठच्या दरम्यान झाला. ह्या अपघातात नानेगाव ता. नाशिक येथील पतिपत्नी गंभीर जखमी झाले आहेत. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या शासकीय रुग्णालयात दाखल केले आहे.
MH 15 CR 4288 ह्या क्रमांकाची मोटारसायकल घेऊन अविनाश पुंजा आडके वय ३१, सुनंदा अविनाश आडके वय २५ रा. नानेगाव ता. जि. नाशिक हे नाशिककडे जात होते. आज रात्री साडेआठच्या दरम्यान मुंबई आग्रा महामार्गावर वाडीवऱ्हे येथील दत्त मंदिराच्या जवळ MH 17 AG 4962 ह्या भरधाव आयशरने त्यांना मागून धडक दिली. यामध्ये दोघेही गंभीर जखमी झाले. जगद्गुरू नरेंद्राचार्य महाराज रुग्णवाहिकेने त्यांना नाशिकच्या जिल्हा रुग्णालयात दाखल केल्याने त्यांच्यावर उपचार सुरू करण्यात आले आहेत.