वाल्मीक गवांदे : इगतपुरीनामा न्यूज, दि. ३१
हिंदुहृदयसम्राट शिवसेनाप्रमुख स्व. बाळासाहेब ठाकरे यांच्या जन्मदिनानिमित्त शिवसेना जिल्हाप्रमुख विजय करंजकर यांच्या मार्गदर्शनाखाली बारीपाडा हरसुल येथे त्र्यंबकेश्वर तालुकास्तरीय हिंदुहृदयसम्राट चषक क्रिकेट स्पर्धा अतिशय दिमाखदार नियोजनात पार पडल्या. अखेरचा अटीतटीचा सेमी फायनल व फायनल सामना उद्या मंगळवारी १ फेब्रुवारीला दुपारी १ ते ४ वाजेपर्यंत अटीतटीचा सामना बघायला मिळणार आहे. ह्या सामान्यांना लाखोंची बक्षीस दिली जाणार असल्याची माहिती त्र्यंबकेश्वर तालुका शिवसेना समन्वयक तथा क्रिकेट स्पर्धा आयोजक समाधान बोडके पाटील यांनी दिली.
या क्रिकेट स्पर्धेत कोणता संघ जिंकतोय हे बघणं अतिशय उत्सुकतेचे असणार आहे. यावेळी शिवसेनेचे जिल्ह्यातील प्रमुख नेते उपस्थित राहणार असून यावेळी विजयी संघांना मान्यवरांच्या हस्ते चषक व लाखोंची पारितोषिक देण्यात येणार आहे. याप्रसंगी ज्येष्ठ शिवसैनिकांचा सत्कार समारंभ आणि नवनियुक्त युवासेना पदाधिकाऱ्यांचा सत्कार करण्यात येणार आहे. ह्या कार्यक्रमासाठी तालुक्यातील ज्येष्ठ शिवसेना पदाधिकारी, आजी माजी पदाधिकारी, उपतालुकाप्रमुख, गटप्रमुख, गणप्रमुख, शाखाप्रमुख, सरपंच, उपसरपंच, सदस्य, चेअरमन, संचालक, विविध संस्थांचे पदाधिकारी, सामाजिक कार्यकर्ते, शिवसेना युवासेना महिला आघाडी, शिवसैनिकांसह क्रिकेट रसिकांनी अटीतटीचा सामना बघायला आणि कार्यक्रमाला उपस्थित रहावे असे आवाहन आयोजक तथा त्र्यंबकेश्वर तालुका शिवसेना समन्वयक समाधान बोडके पाटील, शिवसेना तालुकाप्रमुख संपतराव चव्हाण यांनी केले आहे.