इगतपुरीनामा न्यूज, दि. १७
इगतपुरी तालुक्यातील महत्वपूर्ण असणाऱ्या बलायदुरी ग्रामपंचायतीच्या सरपंचपदी हिरामण दुभाषे यांची बिनविरोध निवड झाली आहे. बलायदुरीचे माजी सरपंच मल्हारी गटखळ यांच्या मार्गदर्शन आणि नेतृत्वाखाली हिरामण दुभाषे यांची निवड करण्यात आल्याची घोषणा निवडणुक निर्णय अधिकारी यांनी केली. बऱ्याच दिवसांपासुन ह्या ग्रामपंचायतीवर प्रशासकाची नेमणुक असल्याने गावाचा विकास खुंटला होता. मात्र माजी सरपंच मल्हारी गटखळ यांनी यशस्वी मध्यस्थी केल्याने २ वर्षानंतर हिरामण दुभाषे यांच्या रूपाने बलायदुरीला सरपंच मिळाला आहे.
बलायदुरी गावात प्रशासक राजवट असल्याने विकासाचा अनुशेष वाढत चालला होता. आज हिरामण दुभाषे यांची सरपंचपदी वर्णी लागल्याने आता गावात विकासाची कामे व्हायला मदत होईल. आमचे सर्व ग्रामस्थ आणि पदाधिकारी यांच्या एकत्रीकरणाने गावाचा कायापालट करण्यासाठी सर्वजण कटिबद्ध आहोत.
- मल्हारी गटखळ, माजी सरपंच बलायदुरी
यावेळी नवनिर्वाचित सरपंच हिरामण दुभाषे यांनी बोलतांना सांगितले की, माझे मार्गदर्शक माजी सरपंच मल्हारी गटखळ यांच्या मार्गदर्शनाखाली बलायदुरी गावात आजपर्यंत न झालेली भरीव विकासकामे करणार असल्याची ग्वाही दिली. ही निवड निवडणूक अधिकारी यांच्या अध्यक्षतेखाली पार पडली. याप्रसंगी ग्रामपंचायत सदस्य ज्योती भगत, आश्विनी भगत, सिताबाई गावित, ललिता वाघ, तुकाराम गावित यांच्यासह गावातील ग्रामस्थ मोठ्या संख्येने उपस्थित होते.