इगतपुरीनामा न्यूज, दि. ५
श्रीहरी शैक्षणिक सांस्कृतिक व सामाजिक प्रतिष्ठाण आणि नामपूर प्रेस क्लब यांच्या संयुक्त विद्यमाने पत्रकार दिनाच्या निमित्ताने विविध क्षेत्रातील गुणवंतांचा सन्मान सोहळा आयोजित करण्यात आला आहे. नामपुर इंग्लिश स्कूल येथे सकाळी ११ वाजता हा कार्यक्रम होणार असल्याची माहिती श्रीहरी प्रतिष्ठानचे शरद नेरकर आणि इतर आयोजकांनी दिली आहे. सन्मानार्थीमध्ये नामपूर इंग्लिश स्कूलचे प्राचार्य ए. डी. पगार, जायखेडा येथील सहाय्यक पोलीस निरीक्षक श्रीकृष्ण पारधी, जि. प. प्राथमिक सेमी इंग्रजी शाळा रामतिरचे मुख्याध्यापक रवींद्र यादवराव पाटील, नामपूर दुरक्षेत्राचे पोलीस उपनिरीक्षक तुषार शालीग्राम भदाणे, उपक्रमशिल शिक्षिका रंजना कौतिक देवरे यांचा समावेश आहे. ह्या सोहळ्याला उपस्थित राहण्याचे आवाहन करण्यात आले आहे.