कवितांचा मळा : “लोकशाही”

कवी – जी. पी. खैरनार, नाशिक, ९४२१५११७३७/ ७०८३२३४०२१

जन माणसात शोधू,
लोकसेवेचा वारसा !
मतदार राजा आहे,
लोकशाहीचा आरसा !!

                    मतदान करण्याचा,
                    हक्क आहे लहानसा !
                    नेता निवडणे तुझ्या,
                    हातात आहे राजसा !!

पैशाला बळी पडून,
नको भरु रिता खिसा !
खात्री करुन मत दे,
थांबव देशाच्या ऱ्हासा !!

                    हळूच म्हणती नेते,
                    काय लागतो कानोसा !
                    पैशापुढे माणसाचा,
                    काहीच नाही भरोसा !!

भ्रष्टाचारा आळा घालू,
थांबवु खोटी लालसा !
भलं होण्या भारताचं,
जपु लोकशाही वसा !!

                    शत्रु राष्ट्र भारताला,
                    देतील म्हणे हादसा !
                    सैनिकांच्या ताकदीने,
                    करु त्यांचा खालसा !!

लोक म्हणती प्रेमाने,
भारत देश हो कसा !
बहु जाती भाषी राष्ट्र,
भारत देश हो असा !!

                    भारत मातेचं माझ्या,
                    ब्रीद असती अहिंसा !
                    सुखी ठेवण्या लोकांना,
                    टाळूया जगाशी हिंसा !!

मातृ भूमी रक्षणाशी,
निष्ठा ठेव रे माणसा !
मताचे पैशात मोल,
थांबव आता राक्षसा !!

                    भारताच्या परंपरा,
                    जपु संस्कृती वारसा !
                    नितळ लोकशाहीचा,
                    आदर्श देऊ छानसा !!