इगतपुरीनामा न्यूज, दि. १५
नासिककडून मुंबईकडे जाणाऱ्या दोन मोटरसायकल आठव्या मैलाजवळ धडकल्याने अपघात झाला. दुपारी साडेचार वाजता हा अपघात झाला. ह्या अपघातात ४ जण गंभीर जखमी झाले आहेत. अपघाताची माहिती समजताच जगद्गुरू नरेंद्राचार्य संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांनी जखमींना तात्काळ जिल्हा रुग्णालयात दाखल केले.
मुंबई आग्रा महामार्गावर नासिकवरून घोटीकडे जाणाऱ्या आठव्या मैल भागात मोटारसायकल क्रमांक MH 05 CS 2876 या वाहनाचे नियंत्रण सुटल्याने MH 05 BT 6917 ह्यावर ती धडकली. साडेचार वाजता झालेल्या ह्या अपघातात तृष्णा धनाजी कोतवाल वय 30, भूषण अरुण मगर वय 35 दोघे रा. पाथर्डी फाटा, हेमंत विठ्ठल पोटकुले वय 21, गणेश हरिश्चंद्र वारघडे वय 23 दोघे रा. शेणवड खुर्द ता. इगतपुरी हे चौघे गंभीर जखमी झाले. जगद्गुरू नरेंद्राचार्य संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांना अपघाताची माहिती समजताच त्यांनी घटनास्थळी पोहोचून जखमींना तात्काळ रुग्णालयात दाखल केले. वेळेत उपचार मिळाल्याने जखमींचा जीव वाचला.
