इगतपुरीनामा न्यूज, दि. १३
नाशिक जिल्ह्यातील समाजातील दुर्बल घटक असणाऱ्या दिव्यांग बांधवांचा हक्काचा कायदा 2016 नुसार अंमलबजावणी करणारे पहिले पोलिस अधीक्षक सचिन पाटील हे एकमेव आहेत. जिल्ह्याच्या ग्रामीण भागातील दिव्यांग बांधवांच्या विविध तक्रारी समजून घेण्यात मोठा वाटा होता. यासह जिल्ह्यातील गुन्हेगारी मोडून काढण्यात त्यांनी मोठी भूमिका बजावली होती. असे कर्तव्य दक्ष पोलीस अधीक्षक सचिन पाटील यांची बदली त्वरीत रद्द करावी. तातडीने त्यांची पुनर्स्थापना नाशिकला करून सर्व दिव्यांग व सामान्य जनतेस न्याय द्यावा अशी मागणी इगतपुरी तालुका प्रहार दिव्यांग संघटनेने मुख्यमंत्री उद्धव ठाकरे यांना पाठवलेल्या निवेदनाद्वारे केली आहे. निवेदनावर प्रहार दिव्यांग संघटना इगतपुरी तालुकाध्यक्ष नितीन गव्हाणे पाटील, उपाध्यक्ष सोपान परदेशी, मंगेश शिंदे, वैशाली भागडे, सुनील पगारे, मुकेश दुभाषे, अनिल कोरडे, दत्ता क्षीरसागर, निलेश जाधव, योगेश चव्हाण आदींच्या सह्या आहेत.
